Бел | Eng

Грамадзянская супольнасць рыхтуецца да Саміту УП

Дата: 18.02.2015 | Тэгі: , , |

На пасяджэнні Рабочай групы Асамблеі НДА грамадскія дзеячы абмеркавалі магчымыя супольныя дзеянні беларускіх НДА напярэдадні Саміту Усходняга партнёрства ў Рызе.

Старшыня Рабочай групы Сяргей Мацкевіч адзначыў, што беларускай грамадзянскай супольнасці трэба з максімальнымі вынікамі выкарыстаць Саміт, які адбудзецца ў траўні, і дадаў, што бачыць Асамблею ініцыятаркай гуртавання іншых сілаў “трэцяга сэктара”.

Таксама прысутныя абмеркавалі праект заявы (будзе апублікаваны ў хуткім часе), прысвечанай супольнаму бачанню ўдасканалення Усходняга партнёрства на карысць беларускай грамадзянскай супольнасці.

У каментары прэс-службе Асамблеі НДА, Вінцук Вячорка распавёў пра новы прыярытэтны кірунак дзейнасці беларускага незалежнага грамадства, пра які гаворыцца ў праекце заявы:

— У тыя гады, калі Усходняе партнёрства ўкладалася і фармулявалася, не былі відавочныя небяспекі, з якімі зараз сутыкнуліся краіны-партнёры ЕС, а менавіта з інфармацыйнай вайной Расійскай Федэрацыі.

Па меркаванні Вячоркі, для зберажэння еўрапейскага каштоўнаснага поля варта стварыць салідарную інфармацыйную прастору, якая абыймала б Еўрапейскі Саюз і краіны Усходняга партнёрства. Гэты кірунак дзейнасці мусіць стаць адным з самастойных, прыярытэтных у бліжэйшай будучыні.

Паводле Вячоркі, у інструменты стварэння гэтай прасторы ўваходзілі б супольныя тэлевізійныя і радыёпраекты, абмены аналітычнымі матэрыяламі, навіннымі стужкамі. Вельмі важна, каб існавалі гарызантальныя сувязі паміж незалежнымі медыямі шасці дзяржаваў, падлеглых дапамозе Усходняга партнёрства. У тым ліку трэба перагледзець місію “Еўраньюз”, як еўразвязаўскага канала, і ролю ў ім расійскай рэдакцыі.

У выпадку прыняцця палітычнага рашэння журналісцкія і аналітычныя супольнасці нашай краіны вельмі хутка напоўнілі б гэтую ідэю канкрэтным зместам, перакананы спадар Вячорка.

Вярнуцца ў катэгорыю "Навіны"

  • Фэйсбук

  • Анонс падзеяў

    << Июн 2017 >>
    ПВСЧПСВ
    29 30 31 1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 1 2