Па выніках галасавання за кандыдатаў на пазіцыю нацыянальнага каардынатара большасцю галасоў абраны Мікалай Кванталіані (Mikalai Kvantaliani, WG4, Association «New Group»).
Віншуем Мікалая і зычым плённай працы на адказнай пасадзе!
Мікалай выконваў функцыі нацкаардынатара на працягу 2-х гадоў і зараз абраны на тэрмін 1.5 года.
Сваімі першапачатковымі задачамі на пазіцыі нацыянальнага каардынатара Мікалай бачыць прывядзенне ў адпаведнасць рэформаў Форуму грамадзянскай супольнасці Усходняга партнерства на нацыянальным узроўні, бо менавіта зараз Форум ФГС УП актыўна рэфармуецца.
Другой важнай задачай Мікалай лічыць павялічэнне магчымасці ўдзелу прадстаўнікоў грамдзянскай супольнасці Беларусі ў якасці экспертаў у панэлях і платформах міжнароднага ўзроўня. “Зараз Беларусь не паўнавартасна прадстаўлена ў пуле экспертаў ФГС , не настолькі як іншыя краіны УП” – лічыць Мікалай.
Нагадаем, што галасаванне скончылася 7 чэрвеня у 15.00. З 20 дэлегатаў, якія мелі права голасу прагаласавалі 18, што з’яўляецца кворумам. На пазіцыю Нацыянальнага каардынатара прэтэндавалі Саша Кузьміч / Sasha Kuzmich, WG4, Belarusian Students’ Association і Мікалай Кванталіані/ Mikalai Kvantaliani, WG4, Association «New Group».
