Бел | Eng

Пра Нацыянальную платформу

Беларуская Нацыянальная платформа Форума грамадзянскай супольнасці Усходняга партнёрства была заснавана ў ліпені 2010 года, і Беларусь была другой краінай пасля Арменіі, якая ўтварыла Нацыянальную платформу.

Беларуская Нацыянальная платформа арганізавана інакш, чым Нацыянальныя платформы іншых краін Усходняга партнёрства, што звязана з сітуацыяй унутры краіны і абмежаваным удзелам Беларусі ва Усходнім партнёрстве. Беларуская Нацыянальная платформа не мае каардынатараў Рабочых груп на нацыянальным узроўні, аднак у яе ёсць Каардынацыйны камітэт, які складаецца з сямі сябраў і дапамагае кіраваць дзейнасцю Нацыянальнай платформы. Акрамя гэтага, Нацыянальная платформа штогод арганізуе як мінімум 3 сустрэчы для ўсіх удзельнікаў ў форме канферэнцый ці круглых сталоў. Удзельнікамі Нацыянальнай платформы з’яўляюцца арганізацыі грамадзянскай супольнасці (НДА, ініцыятывы, супольнасці), якія падпісалі Мемарандум аб супрацоўніцтве.

Нацыянальная платформа сутыкаецца са шматлікімі праблемамі ў пашырэнні сваёй ролі і дзейнасці з-за абмежаванага ўдзелу Беларусі ва Усходнім партнёрстве і нявырашаных палітычных праблем у стасунках паміж ЕС і Беларуссю, такіх, як наяўнасць палітычных зняволеных, рэпрэсіі ў дачыненні да прадстаўнікоў апазіцыі, грамадзянскай супольнасці і незалежных СМІ і інш. Нягледзячы на гэтыя праблемы, мясцовыя арганізацыя грамадзянскай супольнасці разглядаюць Усходняе партнёрства і іншыя формы супрацоўніцтва ЕС з Беларуссю як перспектыўныя магчымасці для рэформ і сацыяльна-палітычнага развіцця краіны.

Дзейнасць Беларускай Нацыянальнай платформы ў 2013 годзе

У студзені 2013 года стартаваў праект у межах фінансавай падтрымкі Еўрапейскай Камісіі «Узмацненне патэнцыялу Нацыянальных платформ Форуму грамадзянскай супольнасці Усходняга партнёрства», у межах якога праводзіліся экспертныя сустрэчы і сустрэчы па Рабочых групах ФГС УП, а таксама здзяйсняецца аналітычная праца.

1 чэрвеня і 4 лістапада адбыліся Канферэнцыі Беларускай Нацыянальнай платформы, на якіх былі вырашаныя тэхнічныя пытанні і абмеркаваныя тактычныя і стратэгічныя накірункі далейшай працы.

Па выніках працы ў межах Рабочых груп былі падрыхтаваныя адмысловыя policy papers.

Дзеля інфармацыйнай прамоцый дзейнасці Беларускай НП і прасоўвання праграмы Усходняе партнёрства быў распрацаваны і запушчаны інфармацыйны сайт.

У сакавіку 2013 Каардынацыйны камітэт Платформы прыняў пазіцыйны дакумент “Як павялічыць трансфармацыйны патэнцыял Еўрапейскага дыялога па мадэрнізацыі з беларускай супольнасцю?”. У дакуменце Платформа пацвердзіла сваю поўную падтрымку Дыялога і звярнула ўвагу на неабходныя змены для развіцця Дыялога. Пазіцыйны дакумент можна знайсці тут.

Дзейнасць Беларускай Нацыянальнай платформы ў 2012 годзе

Канферэнцыі Нацыянальнай платформы з’яўляюцца ключавым камунікацыйным фарматам у межах Нацыянальнай платформы, яны дазваляюць яе арганізацыям сабрацца разам для абмеркавання і абмену вопытам і меркаваннямі.

Першая Канферэнцыя Нацыянальнай платформы ў 2012 годзе прайшла ў Менску 29-30 чэрвеня, на ёй адкрытым галасаваннем усіх удзельнікаў былі абраныя семь сябраў Каардынацыйнага камітэту Платформы. Акрамя гэтага, абмяркоўвалася стратэгія развіцця Платформы, былі прынятыя рэзалюцыі Платформы “Аб вызваленні палітычных зняволеных”, “Аб Еўрапейскім дыялоге па мадэрнізацыі з беларускай супольнасцю” і “Аб забесапячэнні свабоды выбарчага працэсу”.

16 лістапада 2012 года Нацыянальная платформа прыняла “Канцэпцыю развіцця беларускай Нацыянальнай платформы Форума грамадзянскай супольнасці Усходняга партнёрства” падчас другой канферэнцыі 2012 года. На канферэнцыі ўдзельнікі таксама прынялі рэзалюцыю, у якой яны заяўляюць аб сваім намеры спрыяць развіццю супрацоўніцтва паміж ЕС і Беларуссю і разглядаюць дзеянні беларускай улады (утрыманне палітычных зняволеных, рэпрэсіі ў дачыненні да грамадскіх і палітычных актывістаў і адсутнасць жадання пачаць візавы дыялог з ЕС) як асноўную перашкоду для такога супрацоўніцтва.

Удзел Нацыянальнай платформы ў Еўрапейскіх ініцыятывах

Сябры белаурскай Нацыянальнай платформы прымалі ўдзел у двух ключавых ініцыятывах у 2012 годзе: у Беларускім грамадскім Балонскім камітэце і Еўрапейскім дыялоге па мадэрнізацыі з беларускай супольнасцю.

Крыніца


  • Фэйсбук

  • Анонс падзеяў

    << Июн 2017 >>
    ПВСЧПСВ
    29 30 31 1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 1 2