Бел | Eng

Прадстаўнікі грамадзянскай супольнасці краін Усходняга партнёрства сустрэнуцца ў Кішынёве

Дата: 01.10.2013 | Тэгі: |

4-5 кастрычніка ў Кішынёве адбудзецца Генеральная Асамблея Форума грамадзянскай супольнасці Усходняга партнёрства пад сімвалічнай назвай «Разам за еўрапейскую будучыню».

Цягам сустрэчы плануецца абмеркаваць прыярытэты грамадзянскай супольнасці і яе ўнёсак у працэсы рэформаў у межах УП. У цэнтры ўвагі Форума можна вылучыць наступныя тэмы: роля грамадзянскай супольнасці ў кантэксце падпісання Пагадненняў аб асацыяцыі з шэрагам краінаў УП, агульная ацэнка працэсу рэформаў у краінах УП напярэдадні саміту «Усходняга партнёрства» ў Вільні.

У часе паралельных сесій дэлегаты Форума абмяркуюць шэраг прыярытэтаў у кантэксце тэматычных платформаў і панэляў, уключна з такімі флагманскімі ініцыятывамі Форума, як выбары, свабода СМІ і барацьба з карупцыяй.

Традыцыйна удзельнікаў Форума прывітае еўракамісар Штэфан Фюле. З парадкам дня можна азнаёміцца па спасылцы.

Каардынацыйны камітэт беларускай Нацыянальнай платформы ФГС УП падрыхтаваў адмысловы зварот да дэлегатаў Форума.

Асамблея аб’ядноўвае больш за 250 прадстаўнікоў арганізацый грамадзянскай супольнасці з шасці краін Усходняга партнёрства і Еўрапейскага саюза, а таксама прадстаўнікоў урадаў, еўрапейскіх устаноў і донарскіх агенцтваў. 

Вярнуцца ў катэгорыю "Навіны"

  • Фэйсбук

  • Анонс падзеяў

    << Июн 2017 >>
    ПВСЧПСВ
    29 30 31 1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 1 2