Бел | Eng

У Беларусі распрацуюць дарожную мапу па моладзевай палітыцы

Дата: 27.11.2015 | Тэгі: |

27 лістапада адбыўся круглы стол на тэму “Магчымасці моладзі ва УП: выклікі і шляхі развіцця”, у якім узялі ўдзел прадстаўнікі сяброўскіх арганізацій БНМС “Рада” і Беларускай нацыянальнай платформы.

Мікалай Кванталіані распавёў пра працу Форуму грамадзянскай супольнасці, яго перспектывах у якасці пляцоўкі для моладзі і фармавання “павесткі дня”. А таксама пра прыняццё рэзалюцыі ад імя 4 працоўнай групы, яе асноўных прыярытытях дзейнасці на рэгіянальным ўзроўні.

У Беларусі распрацуюць дарожную мапу па моладзевай палітыцы

Марына Корж з Офіса еўрапейскай экспэртызы і камунікацыі ў сваім выступе сканцэнтравалася на асаблівасцях праграмы “Erasmus +” для беларускіх студэнтаў, а таксама раскзала аб стварэнні праектаў, іх падачу і дэдлайны. У часе гутаркі былі выяўлены праблемы ў працы праграмы “Erasmus +” для беларускага боку – напрыклад, адсутнасць магчымасці наўпрост падаваць праекты (праца можа весціся толькі праз арганізацыі-партнёраў).

Алесь Крот, кіраўнік “Студэнцкай Рады”, распавеў пра гісторыю ўзнікнення Усходняга партнёрства, пра мэты, дасягненні і вынікі, магчымасці для беларускай моладзі у рамках УП, напрыклад, пра лабіяванне інтарэсаў моладзі праз ФГС.

У Беларусі распрацуюць дарожную мапу па моладзевай палітыцы

На круглым стале былі акрэсленыя асноўныя моладзевыя праблемы і патрабаванні

Па выніках правядзення круглага стала “Магчымасці моладзі ва УП: выклікі і шляхі развіцця” былі распрацаваныя рэкамендацыі і запланаванае стварэнне “сталадзеючай пляцоўкі”,  якая возьмецца за распрацоўку дарожнай мапы па моладзевай палітыцы ў Беларусі.

Вярнуцца ў катэгорыю "Навіны"

  • Фэйсбук

  • Анонс падзеяў

    << Июн 2017 >>
    ПВСЧПСВ
    29 30 31 1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 1 2