16 снежня памёр праваабаронца Алег Гулак, кіраўнік Беларускага Хельсінкскага камітэта
Алег Гулак — беларускі юрыст, грамадскі дзеяч, праваабаронца.
Алегу Мікалаевічу было 55 гадоў. З 1996 года ён працаваў у Беларускім Хельсінкскім камітэце, быў юрыстам, затым выканаўчым дырэктарам, намеснікам старшыні і з 2008 года — старшынёй арганізацыі.
Алег Гулак удзельнічаў у дзясятках судовых спраў, грамадскіх дзеянняў па абароне правоў чалавека ў Беларусі. Алег быў неймаверным спецыялістам, героем сваёй справы.
БНП смуткуе і выказвае шчырыя спачуванні сям’і і калегам Алега.