Еўрапейскі саюз замарозіць санкцыі супраць 170 беларусаў, у тым ліку супраць Лукашэнкі, 31 кастрычніка, паведамляе Еўрарадыё са спасылкай на Reuters.
Санкцыі замарозяць на 4 месяцы, да 29 лютага 2016 года. Афіцыйна пра гэта будзе заяўлена аб 11:00 (па Грынвічу) і апублікавана ў Афіцыйным часопісе ЕС 30 кастрычніка. Рашэнне ўступіць у сілу 31 кастрычніка.
Нагадаем, Еўрасаюз вырашыў спыніць санкцыі супраць Беларусі “ў святле вызвалення некалькіх палітычных зняволеных пасля выбараў, якія прайшлі ў атмасферы прымірэння”. Пры гэтым, ЕС гатовы зноў ўвесці іх у любы момант пры неабходнасці.
Фота: daily.com.ua
